هر کار ورکوونکی موظف دی چې حکومت ته خبر ورکړي چې څوک د هغه لپاره کار کوي او څومره مزد ورکول کېږي. هغه خلک چې د يو کار ورکوونکي لپاره کار کوي، په اوتومات ډول له خپلو مزدونو څخه مالیه او ټولنیزې خوندي توب برخې ورکوي (د ناخالص او خالص مزدونو تشريح وګورئ). سربېره پر دې، کار ورکوونکی باید په شخصي توګه حکومت ته اضافي اندازه ورکړي. که ستاسو رئيس دا ټول کارونه ترسره کوي، نو تاسو په قانوني توګه کار کوئ.
هر څوک چې په رسمي توګه کار کوي، اجازه لري چې د روغتیا بیمې صندوق سره یوځای شي، کوم چې ستاسو د طبي لګښتونو لویه برخه به بیرته درکړي. که د هرې دلیل له مخې تاسو د کار کولو توان ونه لرئ، یا که تقاعد وکړئ، تاسو د مرستو یا تقاعدي معاش حق لرئ. دا هغه څه دي چې ستاسو له ټولنیزې خوندي توب څخه ورکړل شوې پیسې ورسره کېږي – دا د هغو کسانو لپاره د یوه ډول بیمې په توګه کارول کېږي چې له ستونزو سره مخ وي.
